İlin doğru vaxtında lazımi qidanı yerləşdirməklə, quşlar üçün təbii qidaların qıt olduğu dövrlərdə yaşamağa, həmçinin yaxşı vəziyyətdə qalmağa və yazda çoxalmağa hazır olmağa kömək edə bilərsiniz. Bunun müqabilində isə bağçanıza yem üçün gələn quşların gözəl mənzərəsini əldə edəcəksiniz.

Quşları qidalandırmaq üçün müxtəlif qarışıqlar, qidalandırıcılar və yemləmə qabları var. Qoz-fındıq qarışıqları yalnız qış üçün uyğundur, çünki bu cür qida yuvada bala quşları boğa bilər.

Darı kimi kiçik toxumlar dam sərçəsi, meşə zövzəyi, hörücülər, qamışlıq vələmirquşu və yaxalıqlı qurqur kimi quşları cəlb edir. Qabıqlı yulaf və qarğıdalı dənləri kimi böyük toxum və dənli bitkilər bir çox quş tərəfindən yeyilir.

Günəbaxan toxumları əla illik bir qidadır. Zolaqlılara nisbətən qara rəngli tumların yağ tərkibi daha yüksəkdir.

Fıstıq yağlarla zəngindir və arı quşları, yaşılca, dam sərçəsi, sittalar, iri əlvan ağacdələn və yalançı bülbül kimi növlər arasında məşhurdur. Quşlara duzlu və ya quru qovrulmuş dən verməyin, çünki duz onları öldürə bilər. Fıstığın tərkibində isə quşları öldürə bilən təbii toksin ola bilər, buna görə onu etibarlı satıcıdan satın alın.

Yağ yumruları əla qış qidasıdır. Əridilmiş heyvan yağını toxum, qoz-fındıq, quru meyvələr, yulaf, pendir qarışığına tökərək öz quş tortunuzu edə bilərsiniz. Qarışığın üçdə ikisini, yağın üçdə birini istifadə edin. Bir qabda yaxşıca qarışdırın və boş qaba yerləşdirin. Qızartmadan qalan köhnə yağları istifadə etməyin, çünki çox yumşaq olacaq və quş lələklərini ləkələyə bilər.

Quşların qida tapmasını asanlaşdırın

Yumşaq və ya zədələnmiş alma və armud budaqlarını qaratoyuqlar üçün ağacların altına qoyun.

Bağçanızda boş yer varsa  quşların yediyi giləmeyvələr verən kollar, məsələn yemişan əkin.

Sarmaşıq kimi bitkilər çox sayda quşun ovlayacağı kiçik həşərat və hörümçəklərə məskəndir.

Çaytikanı və qanqal kimi yabanı bitkilərin toxumları hörücüləri cəlb edəcəkdir. Bağınızda günəbaxan və ya dekorativ çiçək növlərini yetişdirə və quşlar üçün yeməyə toxum başlarını buraxa bilərsiniz.

Otları biçmək və torpağın çılpaq yerinin görsənməsinə imkan vermək , qaratoyuqlar, Avropa şəfəq bülbülü və meşə zövzəyi kimi növlərə qurd və digər kiçik heyvanlarla qidalanmağa imkan verəcəkdir.

Quşlar içmək və çimmək üçün suya ehtiyac duyurlar. Suyun tökülməsi, quru isti havalarda və qışda suların donması zamanı xüsusilə vacibdir. Su qabının divarları mailli və kobud səthli olmalıdır ki, quşlar sürüşməsin və boğulmasın.

Quş-yem qablarının gigiyenası

Bəslənmək üçün çox sayda quş kiçik bir əraziyə yığıldıqda xəstəlik təhlükəsi artır. Əksər xəstəliklər nəcislə ötürülür. Nəcis qida və ya su ilə qarışsa, quşlar infeksiya ala bilər.

Quş yem qabı Foto  RSPB onlayn mağazasına aiddir.

Bağ quşlarınızın sağlam qalması üçün ən yaxşı tövsiyyələr

Köhnəlmiş və ya kiflənmiş qidaları dərhal kənarlaşdırın, çünki bu, quşların xəstələnməsinə və ya ölməsinə səbəb olan mikroblar üçün əlverişli, qidalı mühit yaradır. Yemək mütəmadi olaraq köhnəlir və ya kiflənirsə, daha az qoyun.

Torpağn üzərinə yem qabı qoymaq, yeməyi birbaşa yerə qoymaqdan daha yaxşıdır, çünki onu təmiz saxlamaq daha asandır. Gecə yerdə qalan qida siçovulları cəlb edə bilər.

Quş yem və asma qida qablarını mütəmadi olaraq təmizləyin və yuyun (ideal olaraq 5%-li dezinfeksiyaedici həlledici istifadə edərək) və yemləmə yerini hər ay yeni bir yerə köçürün.

Su qabları gündəlik, xüsusilə də isti aylarda tez-tez yuyulmalıdır. Onları bezlər və fırçalar istifadə edərək kənarda təmizləyin. Təmizləmə aparan zaman əlcək geyinin, xüsusən də xəstə və ya ölü quşun qutusunu və yem qabını təmizləmək lazımdırsa.